يا جماعة سعدونى بس عن خبرة
انا عايز ابيع العربية بتاعتى كورولا 94 كاملة مانيوال ومحتار اجيب ايه بس عندى اربع اختيارات محيرنى
1-النوبيرا 2-الاسترا 3-الاوبترا 4-رينو كليو
برجاء المساعدة وشكراااااااااا
:shock:
عرض للطباعة
يا جماعة سعدونى بس عن خبرة
انا عايز ابيع العربية بتاعتى كورولا 94 كاملة مانيوال ومحتار اجيب ايه بس عندى اربع اختيارات محيرنى
1-النوبيرا 2-الاسترا 3-الاوبترا 4-رينو كليو
برجاء المساعدة وشكراااااااااا
:shock:
جديد و لا مستعمل لان النوبيرا في فئة من 70 الي 80 الف بينما الاسترا 135 الف :( :(
الاوبترا و الاسترا فى فئة سعرية مختلفة عن الباقى
انا بخمن انك بتتكلم فى عربيات مستعملة لانك كاتب الاسترا ولا انا غلطان؟
استرا؟؟!! انت كاتب صح ولا غلط؟؟ لو كاتب صح يبقي اكيد الاسترا هي الافضل بلا منازع من حيث القيمة والاداء والتوكيل المحترم. ولاكن هي ايضاً الاغلى من حيث اسعار قطع الغيار والصيانة. تليها الابترا والكليو بدون ترتيب. اما النوبيرا فدي هي السيارة الشعبية في هذه الفئة، تقدر تعتمد عليها، اداء جيد وموتور قوي انتشار فوق العادي مما ترتب علية رخض قطع الغيار وانتشارها بشكل ملحوظ خارج التوكيل وسهولة صيانتها خارج التوكيل "ما عدا بعض الاشياء الخاصة بالموتور يجب ان يتم تظبيطها بالكمبيوتر".
نوبيرا من 2001 الى 2004
استرا من 2000 الى 2001
اوبترا 2005
كليو من 2003 الى 2006
:shock:
طيب انت عاوز اية من العربية؟؟ عاوز عربية برستيج ولا عربية صغيرو ولا عربية اقتصادية؟؟
عاوز عربية حديثة فيها اوبشنز زى اللى معايا بس بغير موديل السنة لبعد 2000 واقتصادية ومحترمة مش عرة
:shock:
يبقى النوبيرا
شكرااااا
بس مش عارف ليه حبب الاوبترا
النوبيرا كانت معاي لمدة ست أشهرعربية محترمة جدا فعلآ الصراحة و مريحة جدا في كل حاجة
بإستثناء الإشاعات إن الموديلات الحديثة بتاعتها مش كويسة مش عارف أيه مدي صحتها
اقتصادية و محترمة
يبقى النوبيرا او الاوبترا
بس اظن النوبيرا اقتصادية اكتر
المهم انك متشتريش عربية مش عجباك.اقتباس:
شكرااااا
بس مش عارف ليه حبب الاوبترا
ربنا يسهل بس لما ابيع اصلى استخارة واللى فيه الخير يقدمه ربنا
نصيحة
ما تبيعش دلوقت
السوق فيه استهبال كتير
و معظم العربيات أسعارها مبالغ فيها
أصبر يمكن الدنيا تروق
رأى اوبترا حتى حتركب موديل حديث
الاوبترا حلوه و التوكيل بتاعها محترم جدا ( منصور شيفروليه )
النوبيرا حلوه برضه و قطع غيارها موجوده فى أى سوبر ماركت :lol: :lol:
الأوبترا
لو انا الى هجيب هجيب الاوبترا, لانها نفس النوبيرا ونفس الموتور ونفس كل شىء ولكن شكلها حديث عن النوبيرا الى شكلها زى ما هو من 7 سنين وبالتالى كمان كام سنة مش هتحس ان عربيتك قديمة وفى نفس الوقت هتبقى نفس السيارة.
لو فرق الفلوس بين الإثنين ميفرقش معاك
يبقي الأوبترا طبعا، تقفيل كوري و شكل لسه نازل قريب و اكيد مطورين فيها عن النوبيرا
الإختيار بالترتيب حسب رأيي:
1 - الأوبترا
يميزها: (موديل حديث (الجديد جديد) & توكيل محترم بشهادة الكل (منصور شيفورليه) & نجاح مقتبس من أختها القديمة النوبيرا & بالتأكيد هيحل فيها مشاكل النوبيرا (مثل ضعف الفرامل))
يعيبها: على حد قول زملاؤنا في المنتدى (صاج الكبوت ضعيف جداً) وإن كنت أرى أن هذا قاسم مشترك لكل الحديث
2 - نوبيرا
يميزها: (إنتشار واسع جداً & موديل حديث )
يعيبها: مشلة ضعف الفرامل & نسخة من موديل قديم متكررة (الحديث بتاعه هو الأوبترا)
بالنسبة للأسترا قطع غيارها (نار يا عربيتي نار :mrgreen: )
وكذلك الكليو(نار يا عربيتي نار :mrgreen: ) بالإضافة إلى أن الكليو من الداخل ضيقة
ولذلك لا أحبذ أي منهما (الأسترا والكليو)
والله أعلم
لو عربيتك مريحاك ما تبيعها علشان مش حتحس بفرق كبير.لكن لو مش مريحاك و عاوز تبيع يبقي الاوبترا احسن اختيار او الاسترا و علي حسب زوقك لو عاوز عربيه عائليه بمعني الكلمه يبقي الاوبترا لكن لو ممكن تضحي بالوسع و تركب موتور صغير نسبيا في سبيل انك تركب عربيه الماني يبقي الاوبل استرا بلا منازع
شكرا على الردود وربنا يجازيكم خير